Cumenzain gist cun quai: Las ideas ch’ils quatter iniziants dal chorcenter - Christian Klucker, Heinz Girschweiler, Gian-Reto Trepp ed Anna Laura Klucker – han realisà en las localitads modernas, situadas a la Comercialstrasse 19 a Cuira, è unic en sia furma en la Svizra. Quai na di betg x-insatgi, mabain Beat Schäfer, l’anteriur manader da la musica da chor, musica d’orgla e musica sacrala da la Scol’auta turitgaisa dals arts (ZHdK).

 

E propi è il chorcenter cuira unic en sia funcziun sco funtauna d’inspiraziun e plattafurma per il barat tranter persunas che lavuran per chors en la regiun. Cun las quatter stanzas d’emprova generusas, cun spazis da recreaziun attractivs, cun ina biblioteca che porscha dapli che 30’000 titels e cun divers plazs per luvrar, na pon ins betg mo utilisar sin pli che 1000 m2 ina infrastructura professiunala, specifitgada per chors, mabain er profitar il medem mument da las cumpetenzas d’in team professiunal en il sectur da soluziuns per chors da tut gener. Ils quatter iniziants porschan als chors sustegn e coachings en tut ils secturs da la lavur cun chors.

 

En il rom da questa vasta purschida han ils iniziants dal project chorcenter la finamira da pudair affittar per in prezzi favuraivel las localitads e da pussibilitar l’access a questa nova plattafurma a tants chors da Cuira, respectivamain dal Grischun, sco pussaivel. Er durant il di pon las localitads vegnir utilisadas per seminaris er dador la tematica da chors e chant. Cun il chorcenter cuira n’exista pia betg mo in nov lieu da cultura en il quartier en svilup Cuira Vest, maban in nov lieu da scuntrada ed inspiraziun en general.

 

 

Tge vulain nus?

• Affittar localitads per prezzis favuraivels: tants chors sco pussaivel da Cuira, dal Grischun e da l’entira Svizra duain pudair sa participar e profitar.

• Porscher barat: nus mettain a disposiziun ina rait d’intermediaziun da chantaduras e chantadurs da chors, da solistas e solists, da corepetiziun e d’ensembles d’accumpognament.

• Schliaziuns professiunalas per chors: Organsaziun da concerts (localitads, tecnica, infrastrucutra, podests, gardaroba), communicaziun, fundraising, contabilitad per uniuns.

• Organisaziun da coachings, cussegliaziun e subsituziuns: concepts artistics, programmaziun, arranschaments, scolaziun da vusch, provas e tecnica, PA e registraziuns.

• Sviluppar nossa idea da concept «Singstadt Chut» ensemen cun la citad: organisar cuminaivlamain events grands per uschia crear ina polifonia.